أنا خاطب وكاتب كتابي من سنة و4 شهور، وخطيبتي عندها 21 سنة وأنا عندي 29.. المشكلة إن خطيبتي كانت دايما بتعاني آلام شديدة جدا من أثر الدورة الشهرية، وبعد إلحاح مني راحت لدكتورة وحكت لها على حالتها، وإن الدورة بتيجي متقطعة لمدة 24 يوم في الشهر، وإن ده سببه خلل في الهرمونات، وإن دي حالة من الحالات النادرة اللي بتحصل لبعض البنات، وهي بتعاني جدا الخمول والأرق دايما.
المشكلة إن الطبيبة أعطتها أدوية، وقالت لها إن دي ممكن تضبط مواعيد الدورة شوية، لكن برضه هتفضل تيجي لمدة طويلة جدا.
أنا محتار ومش عارف أعمل إيه؟؟ أنا بحب الإنسانة دي جدا؛ لكن أنا طول عمري منتظر الجواز؛ علشان أكون في الحلال مع زوجتي، وكنت باصبر نفسي لما أتجوز.
أنا خايف لو ارتبطت بيها أظلم نفسي وأظلمها معايا، وبجد أنا محتار جدا أرجوكم ردوا على مشكلتي؛ لأني حاسس بصراع جوايا ومش عارف أعمل إيه.. وشكرا لكم وآسف على الإطالة.
