محمد صبحي : كل الناس اللي قاعدين في التحرير من العشوائيات

كان الفنان محمد صبحي في اجتماع لجنة حقوق الإنسان في مجلس الشعب واتكلم حوالين الدستور الجديد وقال إن الدستور لازم يكون فيه مادة تعطي حق السكن لكل مواطن وتعفي غير القادرين علي دفع تكاليف السكن، وده عشان يتم حل أزمة 25 مليون مواطن عايشيين في العشوائيات.
وضاف بإن الدستور لازم يتضمن حقهم في استغلال السكن مدي الحياة بشرط إنه لايتباع ولا يتم تأجيره وإن يكون في فلسفة في بناء المدن السكنية للعشوائيات من ضمنها ألا يزيد عدد أدوار العمارة عن 4 أدوار، وإن الحكومة لازم توفر الأراضي اللي هيتم بناء المدن السكنية لسكان العشوائيات وإنها متعتمدش علي جمع تبرعاء لشراء الاراضي.
وعن ميدان التحرير قال " كل الناس اللي قاعدين في التحرير من العشوائيات، ولما سألتهم قالوا لي: قعدتنا هنا أحسن ممن العشوائيات، وأغلب المعتصمين في التحرير فارين من العشوائيات''.
ومن ناحية تانية قال مصطفي كمال رئيس الهيئة العامة للتخطيط العمراني إن الهيئة عملت خطة بعد ثورة 25 يناير عشان يتم بناء مجتمعات عمرانية جديدة وهيتم عرضها علي وزير الإسكان قريب عشان يعرضها علي مجلس الشعب عشان يتم وضع صياغة جديدة لقوانين الإيجارات في مصر.