لوسي تدعم مبادرة الشيخ حسان و تتبرع بأجر مسلسلها

اكدت لوسي انها بتدعم مبادرة الشيخ حسان اللى بتنادى بجمع تبرعات مصرية من أجل الاستغناء عن المعونة الأمريكية. و هتتبرع بجزء من أجرها في مسلسلها الجديد "الوالدة باشا" أو جزء من فلوسها الخاصة، و قالت أنها طوال عمرها بتتبرع لجمعيات الأيتام، وخاصة جمعية الأورمان في المناطق الفقيرة اللى فى الهرم. وأكدت انها بتتمنى أن بعض الدول العربية تقدم مساعدات مالية لمصر عشان تتخلص نهائيا من المعونة الأمريكية.
ووضحت ان المساعدات دى لازم تيجى من الدول الغنية، خاصة من الدول الخليجية وناشدت لوسي كل فنانين مصر بضرورة التبرع بأجر حلقة من أجورهم في مسلسلات رمضان الجاى أو أجر شهر من رواتبهم في المسرح أو دفعة من أجورهم في الأفلام السينمائية حتى تنجح المبادرة .