وضافت بإنها في قمة السعادة بسبب جواز بنتها روتانا وشايفة إنها كملت رسالتها معاها خصوصاً إنها بنتها الوحيدة اللي اتفرغت تماماً لتربيتها لحد ما اتجوزت، بس قالت إنها مش ناوية تخلف من فودة عشان هي كبرت علي الخلفة وإن شكلها هيكون وحش قدام بنتها "روتانا" لو خلفت.
وعن علاقتها السابقة مع خالد يوسف قالت إنها مبقتش زعلانة أو غضبانة منه بس هي معزمتوش علي فرحها بس ده مش معناه إنها مش هتشتغل معاه تاني، وإن لو في عمل هيجمعهم مع بعض مش هيكون عندها أي مشكلة لإن اللي مابينهم حاجات كتيرة خصوصاً إنه اللي وقف جنبها وخلاها نجمة في السينما.
واتكلمت عن مسلسلها "سمارة" اللي اتعرض في رمضان اللي فات وقالت إنها ندمانة عليه ولو رجع بيها الوقت تاني مكنتش هتوافق علي تقديمه، وقالت إنها بتراجع حساباتها الأيام دي لإنها شايفة إن الفن مبقاش كفاية.
وعن ندمها برضه قالت إن في تاريخها أفلام ندمت عليها بس مرضتش تقول إيه هي الأفلام دي، لكنها استثنت الأفلام اللي قدمتها مع خالد يوسف ماعدا فيلم "دكان شحاتة" اللي قالت عليه إن الزمن لو رجع بيها لورا كانت رفضته.
وحوالين فيلمها الجديد "ريكلام" قالت إن الفيلم ده في ميزان حسانتها حيث إنه بيتكلم عن طبقة كبيرة من البنات وإن الفيلم بيدق جرس الإنذار حوالين طبقة في المجتمع.
وعن أعمالها الجديدة قالت إنها مش هتعمل شخصية البنت الشعبية مرة تانية وهتختار نوعية جديدة من الشخصيات وده هيكون في مسلسلها الجديد "مع سبق الاصرار" اللي بتجسد فيه شخصية أم لثلاثة أبناء، بس في نفس الوقت مش هتتخلي عن اهتمامها بجمالها وملابسها سواء في الحقيقة أو في أدوارها لإن في أمهات كتيرة بيهتموا بجمالهم رغم المسئولية اللي بتكون عليهم.
وفجرت مفاجأة كبيرة هي إنها انتخبت الإخوان المسلمين في انتخابات مجلس الشعب وتحديداً حزبهم الرسمي "الحرية والعدالة" وقالت إنها مش خايفة منهم ولا من حكمهم.
وعن مشاهدها الساخنة قالت إن علي الفنان إنه يقدم كل الأدوار بتنوعتها وقالت إن نجاحها في تقديم الأدوار دي بسبب تقديمها الأدوار دي.
.jpg)
