أحبه ولا أستطيع نسيانه...أرجوكم ساعدونى

مرحبا للجميع بتمنى منكن المساعده ...انا صبيه من شمال عمري 21 حابه احكيلكو قصتي وشو صاير فيي بس بتمنى  انو ما حدا يكتب اشياء بتجرح لاني كتير مجروحه ...حبيت شب حب كبير وبحياتي ما حبيت وتعلقت بحدا غير لما عرفتوا تغيرت كل حياتي صحيح حبيت قبلو بس من بعدوا ما بقدر حب منجديد  اه اه والف اه انا ندمانه كتير اني خسرتوا وكتير بتمنى من الله لو بيرجع الوقت عشان اصلح يلي عملتوا يوم ما تركني ما عرفت شو بدي اعمل روحت وكتبت قصتي هون وكتير جرحتوا بكلماتي بس ما كان قصدي اني اجرحوا بتمنى يسامحني ويعرف اني بحبوا من كل قلبي صرلو شهرين تاركني وما بعتقد انو يرجعلي فيوم انا عارفه اني غلطت بحقوا بس لاني بحبوا ما حبيت اخسروا اما الله عاقبني وخسرتوا عالحلتين صحيح كيف بيقول المتل يلي منحبن ما بكونوا النا قولولي شو اعمل بحياتكو في شب اسا بحياتي بس انا ما بدي وقولتلو بس هو قلي انو راح يستنى لحتى حبوا كيف هو بحبني ما بدي يتعذب ويستنى عالفاضي او انا بفكر بغيروا انا كتير تعبانه مش عارفه شو اعمل اذا استنى يلي كان حبيبي يرجعلي من جديد او اني اكمل حياتي مع حب جديد قولولي شو الحل المناسب او انا متاكده انو كتار منكوا صارت معاه نفس القصه- Kاذا قريت الرساله وعرفت انها الك مكتوبه بتمنى انك ترد وتقلي انك مسامحني... شكرا للجميع