إيدك الغلبانة دى ليها حق عليكى بعد الشقاء والعذاب الى بتشوفه معاكى طول اليوم فى كل نواحى الحياة بره وجوه البيت
غير انها مراية تتحدث عن أنوثتك ورقتك وجمالك ودليل عنايتك واهتمامك بمظهرك كليدى مش مطلوب منك رد غير لما تقومى تجربيها حالا الا فى أى مكان انتى موجودة فيه صحرا ان كان او بستان يبأه أمان
لآن كل شئ هنستعمله هيكون ليه بدائل كتير فهتقومى زى الشطرة لو انتى فى البيت فى الغيط فى الشغل فى اى مكان تجيبى الى عندك من الحاجات دى :
أول حاجة: ملح يوكو سبا (أو سكر أو ملح أكل أو ترمس مطحون )
تانى حاجه : أى كريم مرطب ( أو جلسرين أو فازلين أو زيت
جونسون بيبى اويل اواللوشن بتاعه أو اى هاند ووش أو
صابونة مغربى أو زيت زيتون أو زيت لوز أو حتى زيت أكل)
وتفتحى كف ايدك وتحطى المادة التانية وبعدين تحطى الى
عندك من المادة الأولى وتدعكى إديكى الإتنين فى بعض جامد
بحركات دائرية على وش كف ايدك وبطن ايدك
هتلاحظى إختلاط المكونات ببعض افضلى استمرى فى الدعك
بذمة وضمير حتى فى منطقة حوالين الأظافر وبعدين توجهى
الى أقرب صنبور مياه وأشطفى ايدك واستمتعى بالصدمة
مش هتعرفى ايدك اصلا وهتلائيها ناعمة وبيضة ونضيفة
حطى بأه كريم مرطب واتصورى جنبها
