بحب جوزي وعايزة أحافظ عليه...أرجوكم ساعدونى

مساء الخير يا "مجلة الحياة" أنا معجبة جدا بيكم و أتنمى انكم تساعدونى فى حل مشكلتى ؛ أنا مشكلتي إني في بداية جوازي يعني متجوزة من شهرين تقريبا، وزوجي بيسافر فترة ليست طويلة ويرجع تاني.

عايزة منكم نصائح علشان أحافظ على حبي له وحبه ليّ؛ إحنا متجوزين جواز صالونات.. مع العلم إنه قريبي من بعيد، بس بعد الخطوبة حبينا بعض حب عظيم، وما زال حبي ليه بيكبر يوم بعد يوم، وهو كمان علشان كده نفسي أحافظ على الحب ده..ساعدونى ولكم جزيل الشكر.