اسرة صديقتى حسيت ان اخوها عنده مشاكل كتيرة ومفيش حد فاهمه وبدا يحكيلى مشاكله وقدرت افهم شخصيته وطباعه وحسيت اد ايه هو مظلوم ومقهور نفسيا خصوصا انه مدخلش الجامعة زى زمايله ودخل دبلوم وكمان ملوش اصحاب ووالده قاسى معاه ف المعاملة وخصوصا لما شفت دموعه .. تعاطفت معاه جدا بعد كده حسيت انه بيبادلنى شعور حب حسيت انى غالية عنده وانه مهتم بيا جدا ..
وانا كمان حسيت انه من جوايا شعور ناحيته بحب اشوفه باستمرار بفكر فيه كتير .. بس عارفة انه مفيش امل لان فيه فروق بينى وبينه زى السن والمؤهلوكمان هو مش مستعد للجواز لسه ادامه وقت طويل لما يكون نفسه وانا فاضلى سنة واتخرج بس مشكلتى الحقيقية انى حاسة انه بيحبنى وشعوره صادق وبيتمنى ليا السعادة ..
ومبيحبش حد يزعلنى شفت فيه حنان والدى الله يرحمه .. لدرجة انه مرة زعلنى و بكى علشان زعلنى وهو مش بسهولة يبكى ... واكتر من مرة لمح ليا انى عزيزة جدا عليه بس هو ميعرفش انى حبيته بجد انا مش عارفة اعمل ايه ازاى اقدر انسى وانا علاقتى
باخته قوية وكل ما بقرر النسيان برجع تانى .. انا فى عذاب دائم نفسى ارتاح انا حاسة انى لعنة حياته وان عذابه اكبر منى لانه بيحبنى ومش هيقدر يرتبط بيا كل الظروف ضده ... وانا كمان مش عارفة هقدر اعيش ازاى واكمل حياتى خصوصا ان موضوعه فارق معايا انا خايفة يبان عليا او حد يعرف انى حبيته .. خايفة مقدرش احب بعده ولا اعرف
اكمل حياتى مع حد غيره ... جايز اكون مكبرة الموضوع بس بجد مفيش حد عاملنى كويس زيه ياريت تفيدونى وتقولولى ازاى انسى واتصرف ازاى ويا ترى شعورى ناحيته حب فعلا ؟؟؟
