وطريقتها سهله وتونس وممتعه
والأشياء اللي نحتاجها مع فوايدها
1-صابونه الكركم ( تبييض+ نظافة+ تشيل الحبوب الدهنيه بالجسم )
2-صابونه الغار ( تبييض + نظافة وتشيل الحبوب وتصفي)
3-صابونه السحرية ( تبييض)
4-صابونه البابايا ( تبييض + تشيل الحبوب وتوحد اللون)
5-ماي ورد كاس وربع ( ترطيب نعومه تبييض)
6-اشوية كركم جسم ( تبييض)
7-ملعقة كبيره ملح خشن ( تطهر الخلطة + نظافة)
8-ملعقتين كبار سفيد اب مطحون ( تبييض)
9-ملعقة وسط نشا ( تبييض + لتماسك الخلطة)
والحين نبشر صابونه الكركم وصابون الغار و الصابونه السحرية وصابونه البابايا
نبشرهم في المبشاره حقت السلطة عرفتوها انا من مفعول هالخلطة شريتلي مبشاره خاصه للصابون
نبشرهم ونحطهم في صحن راح تصير عندك كميه من الصابون المبشور
نخليهم ونروح نأخذ قدر ضيق اشوي ما يكون كبير ونحط فيه كاس وربع موية ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه كانها عصيدة
أي والله صدق بيذوب وتتكون عندك الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي ملعقة النشا على طول واهيا حارة على الخلطة وحركيها عدل
وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخرب ولا راح يضرها شي إن شاء الله
طريقة استخدامها:
مع كل استحمام استخدميها اخذي كميه في ايدك وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليك من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو
وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومه وترطبين الجسم بعد الصابون
