المقادير:
- ¼ كيلو لحمة مفرومة أو صدور فراخ مقطّعة مكعبات صغيرة
- ثمرة جزر مقطّعة مكعبات صغيرة جدا
- كوب مشروم مقطّع مكعبات صغيرة
- ½ كوب طماطم بيوريه
- كوب جبنة شيدر كريمي
- ملعقة صغيرة زعتر جاف
- ملعقة كبيرة زيت زيتون
- فلفل أحمر مطحون
- 1 و½ كوب ميه
- ملعقة صغيرة زبدة
- ملح وفلفل أسود
- ٢ فص ثوم
- كمون
- شطة
- بقدونس للتزيين
1- شوّحي البصل والثوم في الزبدة وزيت الزيتون، وأول ما يبدأ يبقى طري ويدخل في السوى، ضيفي الجزر وشوّحيهم مع بعض شوية.
2- بعد كده ضيفي مكعبات الفراخ أو اللحمة المفرومة، وقّلبيهم شوية مع بعض، وضيفي عليهم شوية ملح وفلفل وقرفة وكمون وشطة وزعتر ناشف أو طازة، وقلّبيهم مع بعض شوية، وبعدين ضيفي مكعبات المشروم، وبعد كده ضيفي الطماطم، وفي الآخر ضيفي مقدار الميه اللي عندك.
3- سيبي الشوربة على النار لمدة 5 دقايق، وبعد كده هاتي مقدار الجبنة اللي عندك ودوّبيه في شوية من الشوربة اللي عملتيها، وبعد كده حطّيها على الشوربة، وقلّبيهم كلهم مع بعض.
4- صبّي الشوربة في أطباق التقديم، وزيّنيها بعيدان الزعتر الأخضر أو بالجنبة الشيدر المبشورة.. وبالهنا والشفا.
