وكانت ملحوظة عندي بشكل فظيع ومن زمان وجربت معاها كريمات وغسول وحاجات كتير وبرضووو مفيش فايدة مش كانت بتروح خالص
والله كانت عاملالي عقدة ومكنش عندي ثقة بنفسي ابدا
لحد ما من فترة كام شهر واحدة قريبتي قالتلي علي طريقة وانا بصراحة كنت اتعقدت وحسيت مفيش امل انها تروح ف بطلت اعمل اي حاجة
بس جيت من حوالي اسبوع جربتها وفعلا والله راحت من اول مرة ونتايجها حلوة اوي
انا معرفش الموضوع ده متكرر ولا لا بس والله لما جربتها ولقيت النتيجة رائعة حبيت انقلها وافيد بيها البنات اللي محتاجينها
الاول بتعملي حمام بخار لوشك عشان تفتحي المسام يعني بتحطي مية تغلي ع النار وتحطي وشك عند البخار اللي طالع دقايق بس او تغسلي وشك بمية سخنة عشان المسام تتفتح ويسهل ازالة البثور
وبعدين بتجيب سويت عادية خالص من بتاعة الجسم اكيد بتسخنيها شوية او يعني بس تقربيها من النار عشان تبقا طرية شوية خصوصا اننا في الشتا وبتكون ناشفة اوي وصعب نستخدمها وهي ناشفة
وبتفردي طبقة منها علي انفك طبقة رقيقة كدة وبتسبيها دقيقة ولا اتنين وبعدين بتشيليها جامد وبسرعة كانك عادي بتعملي بالسويت عادي جدا
وكرري الخطوة دي والله هتلاقيها بتشيلهم خالص من اول مرة
بس خلي بالك وانتي بتعملي كدة ان السويت مش تكون سخنة اوي وممكن تكون بشرتك حساسة وتعمل التهاب لا قدر الله ولا حاجة يعني يكفي تعمليها مرتين تلاتة بس وبعدين ترمي السوي وتدهني انفك بلمون وتسيبيه شوية يعني نامي بيه او كمان كام ساعة واغسلي وشك والله هتلاقي انفك بقي صافي بدرجة ملحوظة جدااا واغلب البثور راااااحت تماما
والله انا اكتر واحدة عانت من موضوع البثور ده بس دلوقتي راحت بالطريقة دي الحمدلله والشكر لله وبقي عندي ثقة اكبر في نفسي
