انا عمري 18 سنه، تعرفت على شاب قبل 3 سنوات تبادلنا مشاعر الحب الكبير صحيح انو كثير ضايقني وأغضبني منه وتصرف معي مرات بطريقة مش حلوة بس أنا متأكدة من حبه لي.. كان دائما يعدني انو نحن لبعض وانا بس له وحلمنا سوية بالبيت اللي بدنا نبنيه ونكوّن أسرة حلوة فيه، كان دائما يراضيني يحبني موووت ...
اليوم هو عمره 19 سنة بدأ تعليمه الجامعي هذه السنه، من قبل ما يبدأ التعليم وأنا أتوجس خوفا من يجيء اليوم الذي تتغير مشاعره نحوي او يتركني "ما بعرف كيف تتغير الظروف كان دائما يأكد لي انه لا مستحيل.
اليوم لما بدأ تعليم مضى على غيابه اسبوعين دون أن يتصل أو يسأل عني بعد ما كان كل يوم يتصل بي! بدأت افهم انه يمكن جاء الوقت لنفترق عن بعضنا البعض، صار يتذرع بحجج واهية، يوم يقول انه كان بالمستشفى بس أنا متأكدة انو يكذب علي مش عارفة شو هالظرف اللي يخليه يتجاهلني بهذه الطريقة وما يسأل عني !!؟؟
هذا ليس كل شيء حبيبي صار يتصل مرة كل أسبوعين أو ثلاثة فقط ليراضيني ويعتذر لتأخره عن الاتصال بي، ثم يقول أنه يحبني لكنه لا يسألني ولا يحكيلي أي شيء عن علاقتنا وعن خصوصياتنا..!!
وفوق هذا كله أمه بعتتلي رسالة تقول فيها "حبيبيتي اذا اجاكي عريس تجوزي لانه هو مطول بدو يتعلم"! كيف بدي اوصف لكم حالتي النفسية انا من النوع العاطفي يعني بتعلق بالشاب اللي بحبه بصير نصفي الثاني ما بقدر انسى ولا لحظة عشناها سوى.. واللي معذبني اكتر اني بمرة من المرات حضنته!
بدي أموت كل ما بتذكر ذكرياتنا كيف كنا وكيف صرنا.. كيف شايفه بدو يتخلى عني عشان تعليمه مع اني لا أضايقه ولا باخذ من وقته. نفسي يرجع الزمن لورا كيف كان يحكيني ويوعدني ويحبني عن جد انا عم بتألم كل دقيقة بفكر فيه بشتاق له بتذكر حضنه كيف اعيش من دونه أو مع غيره؟! قلبي أحبه روحي عم تتألم ساعدوني شو اعمل الحب ما ييجي بالتوسل هو ما بدو اياني..
لو بدو اياني كان راضاني، كان ما زعلني، كان يتصل كل دقيقة كيف نرجع متل ما كنا عن جد تغير كتيررر... وين ما بروح بكون حزينه مش بايدي، دائما سرحانه افكر فيه، وين الحب اللي كان بينا بدي اجن تحولت فعلا لبنت حزينه جدا.. ساعدوني كيف اتصرف معه تعبانه من شان الله..
