صرلنا مع بعض اقل شي سنة، وقبل ما نتعلق في بعض ونحب بعض، كان صارلنا بنعرف بعض شي 3 اشهر، وكله كان ماشي، وقبل شي 5 اشهر انا قررت اتركه لانه كان مش عم بفضى، ومش عم نحكي، ولا قدراني اشوفه!! ولمن طلبت منه نترك ونصير اخوات او اصحاب، قال انا عندي اصحاب كفاية، وعندي 4 اخوات، وهو الوحيد بينهن..
وبعدين الله هون علينا الامور وردينا مثل اول واحسن، بس من فترة هو اكتشف انه مريض بسرطان الكبد!! واول ما قال لي مقدرتش امسك حالي وفقعت وانا احكي، وقال لي اذا بتضلك تبكي ما راح نحكي، وعم حاول اتماسك قدامه بس مرات بفقد السيطرة عحالي وببلش ابكي، وفي هالحالة بنفتح السيرة، من يوم ما عرفت وضعه وانا ما بهدالي بال، ولا بتنام الي عين، عم ابكي كثير وما بقوله؛ لاني بدي خفف عليه، مش كون حمل عليه.. بس عم اتعب كثير من ناحية نفسية بسبب هالخبر الي عرفته، ومع هيك عم حبه يوم عن يوم، ومش عم فكر اتخلى عنه لانها اكبر انانية.. بس مش عرفاني شو اعمل من ناحية هو تغير شوي بعد ما عرف بوضعه، وسالته ليش قال لي انت بتعرفي وضعي.. عم بحبني اه، وبحكيلي انت كل شي عندي..
بدي نصيحتكم يعني ممكن ياثر عليه لو اقعد اقول له انت وانت يعني انه متغير علي، وخصوصا وهو بهيك وضع!! ولا اضل ساكتة واتحمل لانه لازم اكون واقفة جنبه واقويه مش ازيد همه!! كثير محتارة...
بعرف طولت بس واخيرا حاسة حالي متريحة، وطلعت الي عندي...بتمنى منكم تدعو له وتدعو لكل المرضى بالشفاء العاجل... شكرا جزيلا سلفا!!
