طريقه سهله جدا للعنايه بالقدمين

1_ انقعى رجليك ف مايه دافيه بعد ما تغلى فيها نعناع ونص لمونه
يعنى اغلى المايه وفيها النعناع وسبيها لما تبرد واعصرى عليها نص لمونه
لمده تلت ساعه

2_ ادعكى رجليكى بالمبرد او الحجر او بيضه الرجلين يعنى اللى بتستخدميه وفيه انواع كتير اوى بصراحه بفضل المبرد
من كل الجوانب وركزى شويه ع الكعب لحد ما تشيلى كل الجلد الميت

3_ اغسلى رجليكى بمايه دافيه ونشفيها كويس
وادهينى رجليكى بكريم جلوسيد عليه نص ليمونه والبسى شراب لحد الصبح
دى صوره الكريم لو حد مش عارفه حتحسى انه تقيل شويه بس ادهنيه كويس والجلد حيتشربه

طريقه سهله جدا للعنايه بالقدمين ....... حتخليها انعم من رجلين البيبى ...وتحدى

4_ لو عايزه رجليكى يبقى لونها احمر وزى رجل البيبى بالظبط
السر
بودره دم الغزال اللى كنت قولت عليها قبل كده للشفايف !!!
اه شفايف محدش يستغرب دى بتبان ف الرجلين جدااااااااااااااااااا وبتخلى شكلها احمر ويجنن
عباره عن ايه طيب...
دى ربع معلقه صغيره بودره دم الغزال عليها تلت معالق كبار فازلين طبى ودى صورتها
طريقه سهله جدا للعنايه بالقدمين ....... حتخليها انعم من رجلين البيبى ...وتحدى
ودى نحطها بعد ما نصحى من النوم حتكون الرجلين اتشربت كل الكريم وبقت بيضه كده ونصفيه باحبه يا ماما

5_ اخر حاجه بئى تجيبى جلسرين وبعد كل وضوء تنشفى رجليكى كويس خالص وتدهنى الكعب بيه يعنى خمس مرات ف اليوم

خطوات العنايه بقى حنقررها مرتين اتين بس ف ااالاسبوع مش محتاجين اكتر من كده يعنى مش حتتعبى ولا حتاخد وقت
هى نص ساعه محدش يكسل انا باناااااااام

اهم حاجه بلاش تمشى ف البيت حافيه مكسوف البسى دايما شبشب او لكلوك او اى حاجه
وبلاش الصنادل او الصابوهات اللى مفتوحه من وره دى بتبوظ الكعب خالص والله