بحر من الحنان

رغم انك بحر
كبير وثائر
رغم انك بحر
عميق وغائر
رغم قالوا عليك
يا بحر الحب
غدار وجاسر
لكن شايفك
لطيف نادر
و في حبك
انا مشتاق
ومش قادر
علي فراقك
ومن بر لبر
يا بحر
انا ليك عابر
بس اوعي تتنرفز
لان امواجك
علي صدري
نسيم عابر
وفي عبوري اليك
يا بحر يا جابر
اجبر بخاطري
لان خاطري
اليك ناظر

يا بحر شايفك
بحر حنان
يا بحر العين
والروح والقلب
عبراتي اليك
بتسبقني
لما عنيك بتندهلي
ومن نورهم بادوب
انا وعواطفي
مشاعر تايهه
في الاعماق

وطيفي يا بحر
اليك سارح
وشوقك ليا
يغرقني
في بحر الحب
بحب عنيك
يا بحر الشوق
باشوف فيهم امل
طالع علي
شطان طيفك
ورمله وادي احضانك
فيض حنان
ملوش اخر

وفي وديان غرامك
بحيره مسحوره
من ميتك يا بحر
منثوره
وبلمسه من قلبك
بقت كل القلوب ليك
يا بحر ماسوره
رسم قلبي لها سوره
متلونه
باحلي لون وتنوره
بتغلي من لهيب قلبي
في شوقي اليك

يا بحر انا عايم
علي شط
فؤاد عامر
ولما عيون
القلب تندهلي
بادوب فيهم
وانا هايم
علي وجهي
طوال الليل
باموت في احشاءك
غواص انا فيك
داخل في اعضاءك
طالع لاغصانك
سابح علي غير هدي
سرحان في اجواءك
شايفك مفيش اخر
نورك واضواءك

يا بحر ياللي
بغوص جواك
داخل جوا احساسك
وحاسه بيه نبضاتك
عاوز فيك
اغوص اكتر
اشوف بالمره اصدافك
وسر جمالك
اخلاص في القلب
كامن جوا فؤادك
لان بحر الحنان
سر من اسرارك