كتير من الزوجات يأسن من أن حياتهن الزوجية أصبحت
باردة.
فاترة .
جافة
بل وأن هناك أزواج منفصلين فى بيوتهن ويعيشون فقط للابناء
فهذا أفظع احساس
وهو أن تفقدى الاحساس بأنوثتك
وأيضا أن يفقد الزوج الاحساس برجولته
وهذه الأحاسيس نتيجة لبرود العاطفة من الجنس الاخر
هنا أتوقف
كيف يحدث هذا وانتى الانثى
اعذرينى ان كنت سأحملك هذه النتيجة بنسبة 70% أو أكثر
ولكنى لن أقسو عليكى
حبيبتى
جددى حياتك
أعطى لنفسك فرصة لاعادة الحب والمودة
وهذا وعد منى لأنى فى الحقيقة كانت عندى هذه المشكلة
وبالخطوات التالية انتهى هذا الفتور والجفاء الحمد لله
أولا
_ يجب أن تغيرى فى نفسك سواء كان قصة شعر أو صبغه ومكياج رقيق
_ حاولى تجيبى طقم يكون جديد تلبسيه يوم التغيير ده ولو مش فى مقدرتك البسى حاجة بشكل يلفت وتكون رقيقة
برضه ( خدى بالك مش قميص نوم بس لو كان قميص يبقى بيغطى أكثر أجزاء الجسم يعنى يكون طويل )
_ حطى مانيكير( اسمعى كلامى والله بيفيد كتيييييييير) خاصة اذا كان رقيق يعنى فرنش أو لون روز
_ اعملى تاتو لنفسك ممكن مثلا ترسمى أول حرف من اسم زوجك على صدرك الشمال ( اللى عند القلب) بالايلينر
وده تأثيره كبير جدا 100 100
_ رشى برفانك فى كل مكان فى شقتك قبل ماجوزك ييجى من بره وطبعا دى اللمسة النهائية بالنسبة ليكى.
ثانيا
_ لما ييجى متحسسهوش انك عاملة حاجة جديدة خليكى عادى جدا وماتبصلهوش خالص وخليه ياكل فى نفس من الأسئلة اللى هتدور فى دماغه
_ قلعيه هدومه بنفسك ولو قال أى حاجة ردى عليه بصوت واطى ورقيق وعودى نفسك على كده لان الصوت الواطى من الحاجات اللى بتخلى الزوج يحس بأنوثتك أمال بيموتوا فى رقة هيفاء و اليسا ليه
_ لو دخل ينام على طول جمبه وتنامى بس فى حضنه
وخديها قاعدة فى حياتك ان جوزك مينمش غير وانتى فى حضنه حتى النوم بعد الضهر أو القيلولة مهما كانت الحاجات اللى وراكى حتى لو كان فيه زعل بينكم ولعياذ بالله أوعى تسيبيه لوحده فى الاوضة بالعكس ده انتى تلبسى أحلى ماعندك وتنامى جمبه أوعى تسيبى حضنه
لان ريحة الجسم بتثبت فى ذاكرة الانسان بعد فترة مع الشئ اللى بيعمله
معنى كده انك لو بعد شهر منمتيش جمبه هو اللى هيطلب منك ( خليكى واعية )
_ حسسيه بايدك وهى ماشية على جسمه وانتى نايمة وطبطبى عليه والعبى فى شعره وصدقينى النتايج مذهلة
_ اهتمى بيه يعنى قومى الصبح فطريه قبل ميروح شغله. سرحيله شعره دي احلوت قوي
_ اتكلمى معاه فى اللى يحبه وأعرفى ان طيبتك وحبك للاخرين يحببه فيكى أكتر
( يعنى ايه رأيك فى وحدة تشوف قطة جيا عليها تشوطها برجلها وتقول ايه القرف ده وواحدة تانية تبصلها وتبتسم وتقول سبحان الله فى جمالها)
_ لما يحصل بينكم معاشرة زوجية خلى الموضوع رومانسى يعنى مثلا الشموع لها تأثير السحر
الصوت الواطى الرقيق اللى بدلع له تأثير يجننه
النظرة كمان لها سحرها
خليه يحس انه لاول مرة بيلمسك قلب غالي
يعنى لو مثلا خليتى شفايفك مجرد انها تلمس شفايفه لمسة رقيقة ومتبوسيش لانه هو اللى هيكمل
خليكى انتى بتاعة اللمس فى كل شئ.
تفتكرى ياقمراية انتى بعد كل ده هيقدر يزعلك أو يزعل منك
انتى اللى بتديرى حياتك وانتى قبطان سفينتك اللى هى بيتك
رجعى الحب القديم لأن حياتك هى زوجك وأخرتك هتكون حلوة برضه بحب
ورضا زوجك
