يااااااامخطوبة لية كدة ؟
عارفة أذا سألت أى حد وقلت له ما هو حكم المخطوبين ؟؟؟
هتلاقى ماشاء الله كلة عارفه
اللى مش عارفة ياخد خلفية :-
الشريعة تنص على أن الخطيبة اجنبية لها كل احكام المرأة الاجنبية حتى يتم عقد النكاح ، وقبل ذلك فهي أجنبية ، لايجوز أن يكلمها الخاطب إلا بقدر الحاجة فقط ، ولايخلو بها ، ولاينظر إليها ، ولايكلمها كلام الحب ، وهذا لاخلاف فيه بين العلماء ولم يكن عند المسلمين عادة أن يكون بين الخاطب والخطيبة أي علاقة وإنما هي عادة غير المسلمين والله اعلمبس بردة انا مقصدش كدةكتير من المخطوبين بيحسوا ان لمجرد انهم لبسوا الدبلة يبقى خلاص كدة زى الفل
هزار وضحك ومسك ايد وكتير بسمع بوس وضرب احيانا والخيبة بقى ان ساعات ناس بتقفل الباب لانة بيقول لها كلمة سر مينفعش حد يسماعها ؟؟؟
سألتى نفسك لية بتعملى كدة فى حق نفسك .؟؟؟
على فكرة فى زمننا دا الزواج قل بشكل بشع علشان الظروف المادية ومفيش حاجات كتير متاحة علشان يعرف حتى يجيب حق الدبلة "" أنا مقصدش الدبلة على أنها حاجة اساسية لا بالعكس انا اقصد على قلة الامكانيات المهم يبقى اية :-
1- انتى ربنا من عليكى من بين اصحابك والناس اللى حواليكى ورزقك بخطيب إن شاء الله يبقى زوجك فى حين ان بنات وصلوا لسن مش عارفة كام لحد دلوقتى لسة ربنا لم يؤذن لهم يبقى انتى كدة ربنا من عليكى ويكون رد فعلك وشكرك لله جلا وعلا معصية !!!!!!! ينفع
2- البنت هى الأساس فى تحديد شكل العلاقة اذا كانت حبة تكون مسيبها هتخليها كدة والعكسوبصراحة مش بحب اللى بيقول أنا بخاف على زعل خطيبى لانى لما مش بهزر معاة بيقلب وشةارد عليكى واقولك ان شاء الله يتقلب قرد """ ما عند الله لا ينال الا بطاعة
3- فكرتى على شكلك قصاد نفسك ومنظرك
4- أهلك يالله أكتر ناس بيصعبوا عليا واللهلانك أنتى بذكائك اللى فوق الوصف بتخلى شكلهم أبيض من الفل بحركاتك القرعة دى
5- على فكرة بقى الشاب لما بيعمل كدة بيبوس ولا بيحضن ولا بيعمل اللى حابب يعملة للاسف مع خطيبتة فى أول خناقة بيحمل الغلط على خطيبتة ومن الاخر هى اللى تستاهل
6- بتعرفى تنامى ورب العباد جلا وعلا زعلان منك ؟؟؟
7- مين قالك بقى يا ست البنات ان خطيبك دا هيكون زوجك ان شاء الله !!!ومتنسيش كلنا عارفين وسمعنا ان شبحان الله قبل الفرح بيوم ربنا مش بيقدر لهم انهم يكونوا متزوجين ؟؟؟؟ ويبقى كدة معاكى تمام8
- تخيلى كدة معايا لو أن خطيبك بقى ندل وراح عمل CNN لخطيبك التانى ولا قال لاهلك ولا لحد هتنكرى ؟؟ واذا انكرتى بكلامك عنيك هتفضحك
9- فكرتى اذا ربنا من واتزوجتم ان شاء الله والحياة مش بتخلو من المشاكل دايما بابا الله يبارك فية يقولى كدة وجة وقت عصبيتة راح قال ""أة ما انتى واخدة على كدة فاكرة لما عملتى كذا وكذا """"""""" وقتها بقى هتقولى اية ؟؟؟
10- فى حد كبير على الموت !!!تخيلى عمرك خلص على المعصية دى وقتها تعملى ايةعلشان كدة بقولك
يلا قومى صلى ركعتين لله جلا وعلا توبى واستغفرى لله وقولى يلا ورايا :-"" توبت إلى الله ورجعت إلى الله وندمت على ما فعلت وعزمت على عدم العودة إن شاء الله "
طيب تقولى ليا يعنى أنا هبقى مع خطيبى زى الكبة وهبقى رخمة وكدةارد عليكى فى لحظتها وأقولك لالا طبعاعارفة تعملى اية :-1
- اعرفى يا عروسة إن الطاعة بتجيب طاعةمفيش مانع ان أول لما يشرف ويشرب ويتغدى مفيش مشكلة تجيبوا مصاحف لبعض وكل واحد يقرا من المصحف اللى التانى جايبة
2- رمضان إن شاء الله على الابواب ربنا يبلغنا رمضان إن شاء الله شوفوا ممكن تعملوا ايه سوا بس مش سووووا كدة لا كدة يعنى مثلا جدول للصلاة ورد أذكاروعلى فكرة والله كل دا بيتحفر فى الذاكرة عندكم وخليى بالك أفتكرى المواقف دى أفضل لما تفتكرى غيرها
3- عااادى تقعدى معاة بحجابك """ بت لفى الطرحة عدل مش وقتها ميبقاش فى دبابيس """ فى الصالة واتكلموا مع بعض عن بعض بت بلاش السهوكة وصوتك الوااااطى اللى مش مسموع """"" خليكى عاااادى بطبيعتك لان (( إلى من القلب بيوصل للقلب علطول )
4- على قد ما تقدرى أعرفى هو بيفكر أزاى ومميزاتة إية وعيوبة أية بجد ركزى على دى جدااالآن دا أنسب وقت ممكت تعدلى فية اللى مش عجبك إن شاء الله
5- ركزى على علاقتك بأهلة بالتليفون وخصوصا مامتة وعمليها زى مامتك بالظبط وبلاش تيجى منك أنتى شغل الحموات
6- متنسوش بقى تصلوا على النبى صلى الله علية وسلمأأ فى حاجة زى الفل :::: فى أستيكر بيتباع فى المكتبات مكتوب علية *** ما أجتمع رجل وأمرأة الا كان الشيطان ثلثهما ** لما يكون خطيبك جاى علقيها ليكى ولةواعرفى ان والله كل حاجة ليها وقتها وبلاش تستعجلى على حاجة تندمك عمركواذا كان نفسك فى حضن ولا بوس ولا كدة اصبرى على نفسك وان شاء الله تتظبطى لما ربنا يأذن ليكى ان شاء الله ربنا يتمم لكل المخطوبين على كل خير ويحفظهم يارب من الشيطان
