المقادير
كرنبه صغيره او قلب كرنبه مع بعض الاوراق القريبه منه
جزر مبشور خشن اى
كوب لبن رائب (هام جدا)ولا يمكن استبداله او الاستغناء عنه
1.5كوب سكر ناعم مش بورده زى سكر الاسره كده ومتخفوش من الكميه
معلقه غرف الطعام مايونيز او 3 معالق طعام منه
رشه ملح
رشه فلفل ابيض هام ايضا
التحضير
نجى بقى للطريقه ودى مهم اوى والتكنيك بتعها مهم تمام
هنضرب الكولسلو فالكبه للحصول على طعم سلطه كنتاكى او تبشري الكرنب بالمبشره الكهرباء او تقطيعها بالسكين للحصول على طعم كول سلو بيتزا هت
واكيد بتسالوا الفرق فالتقطيع يفرق فالطعم اقلك اه ضرب الكرنب فالكبه بيحافظ عالسوائل اللى فيه فبينزل صوص اللى هوا زى اللبن اقل والبشر العكس بينزل سائل كتير
وبعدين نحط الكرنب فى طبق غويط ونحط عليهاللبن الرائب واوعى تزودى كميه اللبن ونحط السكر ونلبس جوانتى ونبتدى نقلب بايدنا من تحت لفوق لحد متحسي ان السكر ذاب
ثم تحطى رشه الفلفل والملح والجزر وتقلبى تانى ومتقلقيش من كميه السكر هتبقى حلوه اوى ورشه الملح هتعادل الطعم
ومتقدريش تحكمى ان السكر زايد الا بعد مرور ساعتين عالاقل لان الطعم بيتظبط بعد نزول السوائل اللى فالكرنب والجزر بعد كده تضيفى مغرفه محترمه مايونيز وتقلبيه
وفعلبه بلاستيك تحطيها وتغطيها وتنسيها سعتين تلاته وبعدها لما تدوقيها هتدعيلى من قلبك لانى وفرتلك 14 جنيه حق طبق نونو فى بيتزا هت ولانك هتبقى مميزه فعائلتك انك شيف زى بره بالظبط
