الطريقة اللي هنعمل بها الفراخ النهارده طريقة جديدة ولذيذة جدا، وأولادك هيحبّوها، وكمان هي صحية جدا ومش هتاخد منك وقت طويل في تحضيرها..
فراخ بالمسطردة
المقادير:
1⁄2 كيلو صدور فراخ
3 ملعقة كبيرة مسطردة
2 ملعقة كبيرة زيت زيتون
بصلة كبيرة مفرومة
ملعقة صغيرة كمون
عصير 2 ليمونة
ملح وفلفل
الطريقة:
1- تبّلي الفراخ بالكمون والملح والفلفل في طبق غويط، وضيفي عليها البصل وعصير الليمون والمسطردة، وحطّيها في الثلاجة لمدة 8 ساعات، وممكن تسيبيها طول الليل.
2- سخّني زيت الزيتون في طاسة، وضيفي الفراخ المتبلة وغطيها، وسيبيها على نار هادية لمدة نصف ساعة على الأقل، مع متابعتها كل شوية، وممكن تضيفي شوية ميه لو حسّيتي إن الصوص بقى ناشف، وبعد كده ارفعيها من على النار أول ما تستوي، وقدّميها.. وبالهنا والشفا.
