شريهان اعلنت أنها ابطلت صوتها لأنها مش مقتنعة بأي واحد من المرشحين، وان التصرف ده نابع من ضميرها، وقالت"انا مش شايفة ان د.محمد مرسي ينفع يبقي رئيس، فأنا مش رافضاه بس لانه من جماعة الاخوان ،ولكن انا شايفة انه لا يصلح انه يكون ليا قائد ،وانه يقعد علي الكرسي ويحكمني لاني مؤمنة بإن ايمانه لحزب الحرية والعدالة وايمانه للمرشد العام مش ايمانه بشعب مصر .
وعن سبب انها ما اختارتش الفريق احمد شفيق فقالت لقناة العربية "لانه حتي اللحظة اللي انا باكلمك فيها عليه علامات استفهام كتيرة مازالهاش ،وحتي اللحظة اللي انا باكلمك فيها انا بأهان ويهان اللي في التحرير ،حتي اللحظة دي باسمع هايد بارك وغنوا ظلموا وغيره،حتي اللحظة دي نفسي يقولي تفسيرعن موقعة الجمل "... واكدت شيريهان " انا فرحانة وسعيدة فانا باقول الثورة خرجت من الميادين ووصلت للقلب والثورة مستمرة"
اما ليلي علوي فاعتبرت ان كل الناس اللي فوق سن 17 هما فلول من النظام القديم وقالت "احنا كلنا فلول وانا اعتقد انه اللي مش فلول هو اللي تحت سن الـ17 سنة ، اللي ما اشتغلش في النظام ده لكن احنا كلنا فلول".
اما المخرج خالد يوسف فقال مفيش حاجة اسمها ان نص المصريين فلول ده كلام مش دقيق لكن الانتخابات اللي بيميزها علي اي انتخابات انها الانتخابات الوحيدة اللي خرج ليها الناس وهي مدفوعة بهاجس الخوف.
