المطرب اللبناني رامي عياش بيستعد اليومين دول لتصوير أغنية "اغمرني تعيش" فيديو كليب مع المخرجة اللبنانية إنجي جمال، اللى قدم معاها قبل كده فيديو كليب "مجنون". ومن ناحية تانية اكد رامي للاهرام ان جاله عرض لمجموعة افكار للفوازير لكنه رفض انه يقدمها السنة دي وان كان ممكن بشكل كبير يقدمها السنة الجاية واشار ان حلم حياته انه يقدمها مع نجمته المفضلة الفنانة شيريهان لانه من عشاقها .
وعن نشاطه الفني في الفترة الأخيرة، قال "حققت نجاح ملحوظ في الفترة اللي فاتت، واخدت تكريمات كتيرة في مصر والدول العربية وأخرها "الموركس دور" في بيروت، وكمان حققت جولتي الغنائية بالولايات المتحدة الأمريكية وكندا، اللي استمرت لاكتر من شهر ونص نجاح كبير. وأكد أنه بيعتز فى ألبومه الأخير "غرامي" بانه حافظ على عزف الآلات الموسيقية فى الأغانى بنسبة كبيرة وكمان أكد انه جدد في كلمات وألحان أغنياته بشهادة جمهوره.
وعن هدفه من تقديم أكثر من دويتو غنائى في الألبوم من بينهم اغنية بعنوان "حبيبي" مع المطرب العالمى "بيلي"، أكد أنه قبل تقديمه للأغنية عمل استطلاع للرأى بين جمهوره وطلب منهم أنهم يختاروا ليه مطرب عالمي يقدم معاه أغنية "راب" فاختاروا "بيلي"، ولدويتوهات دي بتكون فرصة للقاء الحضارات الشرقية والغربية.
