حائرة: يخلق من الشبه أربعين..ساعدونى

مرحبا انا بنت من قرية بالشمال حبيت شب من برا بلدي وهو حبني كتير وتعلقنا ببعض بس شاء القدر وتركنا من فترة.. من واحنا مع بعض كان واحد من عنا بيشبهو كتير اشي مش طبيعي.. نفس الطول ونفس المشية وكل ما بشوفو بحس حبيبي حدي لما بلش اعجابي يزيد اكتر واكتر.. والمشكلة انو الشب مرة شافني وانا اتطلع عليه وصار هو كل ما يمرق من حدي يتطلع علي واكتر من مرة اجت عيني بعينو بس انا دايما ببعد ..

كتير حابة يتقرب مني بس مستحيل انا ابادر بالموضوع.. بس بدي مساعدة.. كيف ممكن اعرف ايش بحس ناحيتي.. اكيد يمكن تفكروا اني حبيتو لأنو بشبه حبيبي الي قبل بس والله اشي غريب بحس لما اشوفو .. بستحي وببعد وبعمل حالي مش شايفتو.. انا اخر سنة بالمدرسة وكتير صعب علي اني اشوفو وما يحس اشي ناحيتي.. كتير حابة انو نتقرب من بعض انا ويا.. ونظراتو الي بتجنني.. ايش اعمل عشان اعرف اذا بحبني او عالاقل معجب في.. كيف بعرف احساسو ساعدوني بكل الطرق الممكنة.. وشكرا ..