سلطة البطيخ بالجبنة الفيتا

وصفتنا النهارده ممكن تقدّميها لأسرتك كطبق سلطة، أو تقدّميها كوجبة خفيفة على العشاء، خصوصا لو كنتِ من الناس اللي بتحب تاكل حاجة خفيفة على العشاء..

المقادير:

    2 شريحة بطيخ مقطّعة مكعبات متوسطة الحجم
    ¼ كيلو جبنة فيتا مقطعة مكعبات متوسطة الحجم
    بصلة صغيرة مقطعة شرائح رفيعة
    ملعقة كبيرة أوراق نعناع أخضر
    ملعقة كبيرة أوراق بقدونس
    ½  كوب زيتون أسود
    ملعقة كبيرة زيت زيتون

الطريقة:
هاتي طبق كبير، واخلطي فيه كل المقادير اللي عندك مع بعضها، وبعد كده حطّيها في طبق التقديم.. وبألف هنا وشفا.