وطبعا اسباب غمقان الركبه معروفه عندنا كلنا بصوا انا هقولكم ازاى نفتحها وكمان ازاى تفضل بيضه وملعلطه
اولا هنجيب علبة كريم جليسوليد الاحمر الحجم المتوسط وهنفضيها فى حاجه اكبر شوية عشان الاضافات اللى هنضيفها
وبعدين هنعصر عليها لمونه صفراء محترمه وبليز بليز اوعوا حد يستخدم لاى وصفه فيها لمون اللمون الاخضر لانه بيضر جدا لازم نستعمل اللمون الاصفر لازم لازم لازم
وبعدين هنقلب كويس لغاية ما نحس ان اللمون اختفى فى الكريم وبقى اخف من قوامه وبعدين هنضيق معلقة كبيرة زيت زيتون ومعلقة كبيرة زيت خروع
وهنقلب كويس
هنبدأ بتقشير الركبه الاول باى سكرب جاهز اى بملح حليب او بسكر وزيت زيتون ولمون
وبعدين هندهن مرتين يوميا من الوصفة بتاعتنا
وهنلف عليها الرول البلاستيك اللى بنغطى بيه الجبنه او كبس بللاستيك لفيه عليها واربطى حاجه لمدة ربع ساعه بس تتشرب وبعدين شليه عادى
نيجى بقى للاهم من كل ده
احنا فتحنا ركبتنا ازاى ازاى بقى نحافظ عليها
اولا اوعى اوعى وانتى بتمسحى تمسحى وانتى قاعدة على ركبك دى غلطة كبيرة للاسف بنقع فيها من واحنا صغيرين حسب اهالينا ما عودونا
وكمان وانتى بتغسلى السجاجيد
طبعا كلنا بنودى الدراى كلين انا عارفهمحرجة
وتانى حاجه قبل ما هنصلى هنفتكر ومش هننسى ابدا حاجه هنعتبرها روتين ذيها ذى الوضوء مع الخمس فروض
دهن الركبة بمرطب اى مرطب او زيت زيتون المهم اى حاجه ترطب المنطقه دى المهم مننساش ابدا روتين
على فكرة الركبه لما بتفتح وتبقى قشطه بتعمل عمايل جامده اوى
